Categories
購物

消費券購物精選2023|集各種抵玩、實用、CP值高 家電/家居小物

今年的消費券將會於2023年4月16日發放第一期,隨住消費券的派發,相信各位顧家之人都會久違的解放一下自己的鈔能力,購買一些實用抵玩的家電或家居小物,幫到屋企人之餘,更令屋企環境更加舒適!小編就列舉10款介乎於$5,000以內的各款精選,CP值極高,正適合精打細算的你參考!~

消費券購物精選2023|1. SONY WF-1000XM4 全無線降噪耳機

一講近年最實用的藍芽耳機,就一定會想到由SONY 推出的WF-1000XM4 全無線降噪耳機。配備全新整合處理器V1、6mm驅動單元及隔音耳塞,降噪效能非常之有保證,電池續航力更長達8小時,可以長時間戴住聽音樂。耳機採用了人體工學設計,長時間佩戴又不會感到不適,無疑是現時藍芽無線耳機的人氣之選!

SONY WF-1000XM4 全無線降噪耳機 $1379

消費券購物精選2023|2. récolte Air Oven 2.8L 日式氣炸鍋 RAO-1

由日本牌子récolte所設計的氣炸鍋,小巧精緻,容易收納。適合小家庭或單身人士用炸、燒烤、烘烤和重新加熱食材,輕鬆製作各種簡單菜餚。火力強勁,有80℃至200℃多種烹調溫度選擇,儲熱能力極佳。能去除食物多餘的油脂,而且容易清洗,是家居合適的烹調小物!

récolte Air Oven 2.8L 日式氣炸鍋 RAO-1 $689

消費券購物精選2023|3.Polaroid Go迷你即影即有相機

近年興起的即影即有相機當中最迷你的一部,機身尺寸為10.4 x 8.4 x 6.1 cm,重242g,跟一部iPhone 13 Pro差不多;而且內置閃光燈 自拍及雙重曝光功能,啱晒鍾意出外影相打卡的朋友。

Polaroid Go迷你即影即有相機 $929

消費券購物精選2023|4. Philips Sonicare DiamondClean Smart 電動牙刷 HX9984/02

關注牙齒健康的你,就不妨考慮由Philips推出的Sonicare DiamondClean牙刷,憑着5種聲波震動模式與靈活性與纖細並重的刷毛,就比普通牙刷清除7倍牙菌膜。牙刷更可以與Sonicare應用程式進行連動,監控用家的使用與清潔狀況而更有效的改善牙齒健康。

Philips Sonicare DiamondClean Smart 電動牙刷 HX9984/02 $1499

消費券購物精選2023|5. Nintendo Switch

由老任(任天堂)所推出的遊戲一向都是家居同樂之選,以老少咸宜的派對遊戲或者高運動量的遊戲受到大眾歡迎。可以連接屋企大電視畫面,仲可以手提進行遊戲,無論是跟小朋友同樂或當減肥神器都一樣適合。

Nintendo Switch $1940

消費券購物精選2023|6. SONY PlayStation® 5 PS5 遊戲主機

各位男士的最愛「PlashSpeed 5」,終於有大貨,人人都不用搶 。趁著消費券補貼就趕快入手。主機本身就有著超強效SSD 3D音效支援,可以投入到不同遊戲作品之餘,仲可以作為藍芽播放器,用靚靚畫質睇住戲,將屋企變成私人影院又得!

SONY PlayStation® 5 PS5 遊戲主機 $4380

消費券購物精選2023|7. 小米空氣清新機 BHR5101EN 空氣淨化器4

生活在香港市區,空氣污濁,身體容易感到不適或鼻敏感。這些時候正需要在家添置一部空氣清新機。小米所推出的空氣清新機4性價比高,價錢相對比市場上的空氣清新機較便宜,但性能卻不會比其他牌子遜色。需時15分鐘就可以淨化約40平方米的空間,而且配備三合一濾芯,可以去除大部分的過敏原;機體還可以連接手機應用程式遠程操控,十分方便。機體更經消委會評測後獲得4星評價。

小米空氣清新機 BHR5101EN 空氣淨化器4 $1099

消費券購物精選2023|8. Dyson Supersonic 風筒 HD08

風筒名牌Dyson的最新一代風筒,規格設計專為頭髮及頭皮提供修護,可以快速吹乾髮之餘,仲可以令頭髮免受過熱損傷及保護頭髮自然光澤;附有5種風嘴配件,可以因應需求更換。功能充足、價錢合理,正適合為屋企添置一部。

Dyson Supersonic 風筒 HD08 $3150

消費券購物精選2023|9. iLifeA10s 掃地拖地二合一機械人

各位香港的打工仔經常奔波勞碌,即使番到屋企都欠缺精神動力清潔。這些時候一部可以掃地拖地2合一的機械人就方便很多。由歐洲牌子iLife所推出的A10s就包括大家所有所需功能,有震動拖掃 離心氣旋吸塵 最新ILDS4.0及陀螺儀導航定位,憑著一應俱全的設計獲得紅點設計大獎,是輕鬆打理屋企的好幫手。

iLifeA10s 掃地拖地二合一機械人 $1999

消費券購物精選2023|10. Philips DE5205/39 25公升 2合1抗敏空氣淨化抽濕機

香港的天氣陰冷潮濕,一部CP值高的空氣清新機可謂是必備。Philips的2 合 1 抽濕機可以快速除濕,防止潮濕環境;另外更配備 HEPA 濾網,能去除異味、細菌及污染物,淨化空氣,可謂是家中必備的法寶。

Philips DE5205/39 25公升 2合1抗敏空氣淨化抽濕機 $3379

*以上列舉產品的價錢只供參考,實際請參考販賣商戶

Categories
酒店自助餐/下午茶 香港好去處 香港美食

悦品酒店COZi Lounge 重新開幕 |4月份限時七折優惠 歎健康主菜/下午茶/小食/特調雞尾酒/冰沙

位於荃灣的悦品酒店近日就宣佈旗下酒吧餐廳COZi Lounge會以全新形象於原址重新登場!為慶祝4月份重新開張,餐廳更推出「COZi Lounge重新出發優惠」,以7折就可以享受到4月份全新主菜、下午茶、小食及特色飲品。每款都精美可口,正適合打卡貼堂,以下就讓小編向你細道每個吸晴焦點啦!~

全新裝潢風格

疫情過後,餐廳以全新裝潢登場!餐廳內部採用金屬與大理石拼砌的Art Deco裝潢再以深色作為主調、湊簡約風格,客人一踏入酒吧就彷彿來到三十年代的美國。餐廳更設有戶外位置,當打開餐廳的落地玻璃,客人就彷彿身置於歐陸花園;客人可以自由選擇於餐廳或者戶外花園享受佳餚美酒,給客人兩種不同的用膳感受!

日間品味

日間的時候光顧,餐廳就以休閒café的形式為客人提供多款飲品美食,客人可以Chill住點一杯香濃醇滑的咖啡或色彩華麗的特色Smoothies;又可以品嚐健康菜式或者一試當季的春日尊貴下午茶。

全新精美健康菜單

全新精美健康Menu由餐廳主廚Mike Choo設計。餐牌上的菜式都順應主流,主打低熱量及輕盈口感的輕食為主,有鮮雜莓檸檬牛角酥窩夫、燒三文魚南瓜沙律配法式紅莓醋汁、炸軟殼蟹冬陰功汁闊條麵等多款菜式都由新鮮蔬果製造,擺盤鮮豔美觀之餘,仲適合素食人士!

春日尊貴下午茶

酒店廚師聯合酒吧調酒師合作推出集10款不同鹹甜點心糕餅與粉紅無酒精雞尾酒的春日下午茶配搭;在品嚐三文魚玫瑰卷、什錦紅莓芝士餅等色彩鮮豔的鹹甜品後,最後再一人一杯歎特調的Shirley Temple。餐廳更在戶外相連的用餐位置以花牆砌成用餐背景,讓客人仿如置身於春色滿園的花園下享受下午茶。

夜間酒吧

晚上時段,客人可以品嚐由調酒師特調的雞尾酒、紅白酒或特色手工啤酒之餘,酒吧前的吧枱更可讓客人觀賞調酒師精湛的調酒技巧。店內亦有提供無酒精的雞尾酒選擇給不擅長酒精的朋友,十分貼心!

特色Smoothies

酒吧仲有供應多款「盞鬼」及色彩繽紛的特色Smoothies,材料採用新鮮水果,更加入各種意想不到的甜品!特別點名調酒師的得意之作「Spicy Girl」,以巨大棉花糖加上甜椒粉、爆炸糖士多和啤梨奶昔混合已成,光看到材料的瞬間就已經感受到調酒師大膽的想法,絕對是值得打卡及一試之選!

Pet Friendly 環境

餐廳更順應潮流,提供寵物友善的空間,提供不少狗隻食物選擇,讓客人與毛孩一起享受美食。客人仲可以於餐廳預訂可供狗隻食用的蛋糕,幫自家狗狗慶祝生日!相信大家光顧餐廳的時候都不時會見到客人同狗狗等萌寵的身影出沒。

COZi Lounge

電話:  +852 3891 1938
營業時間:  星期一至日,12:00pm – 11:00pm
地址:  香港葵涌青山公路葵涌段443號悦品酒店‧荃灣地下高層(UG)
網址: 按此

Categories
香港好去處

3月親子同樂好去處2023|本港六間户外農莊、商場POP UP Store、室內主題樂園

隨住防疫大解放,大家都終於可以除低帶咗幾年嘅口罩,呼吸新鮮空氣!呢啲時候大家都可以毫無忌諱,帶晒一家大細喺街外走走啦~小編咁貼心,一早為大家準備咗本港6間好去處,同大家開心share,有户外農莊 商場POP UP Store 室內博物館 藝術館,有啲免費就可以入去玩!欲知詳情,就快啲去文啦~

親子同樂好去處推介 1. 「蝶豆花園」聯乘「童話世界農莊」&「有機薈低碳農莊菠蘿園」二園入場套票

位於大埔鳳園路,有機農莊蝶豆花園一向都為佔地50萬平方呎嘅廣闊園區同六隻親民可愛小羊駝。園內就有着不同嘅得意景點同活動,俾入場嘅各位盡情享受;園內嘅羊駝DIY工作坊同兒童遊樂場等多個設施都為大人、細路都預備咗獨佔活動,俾入場遊客製作真皮羊駝鎖匙扣、沙畫、彩繪錢罌等DIY精品小玩意;仲有人氣打卡點羊駝園、草泥馬天空之鏡、天鵝湖觀光船、夢幻風車、花海隧道、七彩幸福橋等,一家大細定情侶都係不容錯過!~

隨住園方同「童話世界農莊」&「有機薈低碳農莊菠蘿園」兩間户外農莊嘅聯乘,宜家只要憑住低至$210起就可以入園玩晒「蝶豆花園」七大必玩打卡點之餘,仲可以自選「童話世界農莊」&「有機薈低碳農莊菠蘿園」其中一間樂園嘅實體門票作為贈品,入蝶豆花園當日起計6個月後,又可以去另一間盡情暢玩!用一張票嘅價錢就可以玩晒兩間户外農莊,就啱晒需要經常帶小朋友放電嘅你!

蝶豆花園

地址: 大埔鳳園路8號蝶豆花園
開放時間:星期一至日及公眾假期;10:00 – 18:00
網址: 按此
FB: @butterflyvalleytaipo

親子同樂好去處推介2. K11 Art Mall:星之卡比30週年限定店

呢隻為食又可愛嘅粉紅色波波,已經三十歲喇!隨住「星之卡比」誕生30週年,任天堂官方就喺K11 Art Mall開設限時快閃店「星之卡比30週年POP UP STORE ~HONG KONG~」!限定店除咗發售多達200款「星之卡比」系列產品,仲有着不同嘅卡比造型裝橫俾大家打卡!場內設有巨型扭蛋機,完成指定任務就可以扭蛋,扭出不同造型嘅卡比小球留作紀念。

另外,會場設置試玩區,無論係老玩家定係對系列零認識嘅朋友都可以試玩最新發售的《星之卡比Will豪華版》等多款遊戲!無論係大人定細路哥,想過下手癮定係想認識下呢位得意可愛嘅粉紅色壽星公嘅朋友,就記住喺3月19日完結之前去喇。

K11 Art Mall:星之卡比30週年限定店

地址: 香港九龍尖沙咀河內道 18 號K11 Art Mall 地下中庭
開放時間:即日起至 2023年3月19日;11AM – 9PM
FB: @Nintendo.hk

親子同樂好去處推介3. 有機薈低碳農莊「菠蘿園」羊駝農莊玩樂之旅

坐落喺元朗錦田的有機薈低碳農莊「菠蘿園」,一向都係老少咸宜嘅好地方,園方所提供嘅羊駝農莊玩樂之旅,憑着完善嘅行程,有得歎下午茶又有得玩,仲有得親親小動物,就非常適合同摯愛共度慢活休閒時光。

羊駝農莊玩樂之旅所包含嘅活動設施非常豐富,園內所特製的皇牌菠蘿下午茶,更是為菠蘿控們帶來滿滿驚喜,當中一定要提及「皇牌菠蘿雪糕包」,由手工即製的菠蘿包夾上香甜濃郁的菠蘿雪糕,俾大家一嚐冰涼香甜的雙重滋味,另外仲有手工菠蘿蜜、有機菠蘿冰等特飲甜品㖭!High完Tea之後,當然要參與下手作工作坊,大朋友小朋友都可以落手落腳整一啲有挑戰性嘅小手工,仲有得帶番屋企做紀念品。園內的動物互動專區,有唔同種類嘅動物俾你零距離接觸,尤其係嚟自澳洲的 4 隻羊駝,有得餵仲有得大玩特玩!小朋友更額外專享5大免費活動,包括 DIY雪花輕黏土、充氣堡壘、彩沙池、釣魚池以及沙畫活動,可以俾小朋友更願意接觸大自然,仲可以學到有機、綠色、環保及低碳理念。成個行程有得飲飲食食之餘,仲可以學到嘢、獲益良多,各位廿四孝爸媽就不妨帶埋小朋友一齊去啦!

有機薈低碳農莊「菠蘿園」

地址: 元朗錦田四排石村(鄰近西鐵錦上路站A出口)
開放時間:星期一至日及公眾假期;10:00 – 18:00 (建議最遲16:30前入場)
網址: 按此
FB: @gogreenfarming

親子同樂好去處推介4.「E3 Club Playland 智遊天地」

佔地約11,000平方呎,位於九龍灣MegaBox商場12樓嘅大型室內兒童遊樂園E3 Club Playland 智遊天地,絕對係俾精靈活潑嘅小朋友盡情放電嘅好地方!

場地除咗靠近海景,萬呎嘅玩樂場地更劃分為不同遊戲區域,包括3米高魔鬼滑梯、半透明螺旋滑梯、明明小巴彈床、透明步道、廚房組合、七彩吊橋、巨型積木區、幼兒玩樂區等等。積木區、跳彈床、歷奇挑戰陣、旋轉滑梯、桌上氣墊球、兒童玩具車等多款玩樂設施對小朋友嚟講更係別具吸引力!款款都刺激又好玩,可靜可動,絕對係大人細路都啱玩!

E3 Club Playland 智遊天地

地址: 九龍灣宏照道38號MegaBox L12-1號舖
開放時間:10:00 – 20:30
FB: @E3Club

親子同樂好去處推介5.「小白兔農莊」小白兔游園套餐 / 多肉植物盆景工作坊

位於元朗八鄉的「小白兔農莊」,除咗佔地十萬平方呎之餘,更是集休閒、教育及戶外於一身。「小白兔農莊」就有兩款行程安排俾不同喜好嘅朋友,包括偏向户外的小白兔游園套餐,偏向適合室內DIY工作坊的多肉植物盆景工作坊!兩種遊園路線都可以任玩户外遊樂設施,仲可以用獲贈嘅飼料親親小白兔,俾佢哋嘅一舉一動治癒身心!

小白兔游園套餐就適合鍾意周圍走嘅小朋友,用通行證就可以任由園內的不同景點、户外遊樂設施,有繩網陣、海盜船、滑草板等,款款都充滿刺激,啱晒精力豐富嘅小朋友;遊園套餐仲連泰式午餐、小白兔特飲,玩到攰就可以填飽肚仔,再玩一輪。多肉植物盆景工作坊就適合偏向靜態活動的朋友,園方會有職員好貼心咁用廣東話介紹,園內景點同各活動項目,而路線主打發揮創意,讓一家人發揮小宇宙,攜手合力用菂式材料一手一腳打做精緻盆景小天地!郁完個腦,就有得喺中午享受自選特色午餐;如果有四人或以上仲可以升級BBQ,享受户外休閒寫意。

小白兔農莊

地址: 元朗八鄉橫台山永寧里芝麻嶺1號
開放時間:星期三至日及公眾假期 11:00 – 18:00(小白兔游園套餐);星期一、三至日及公眾假期12:30 – 18:00 (多肉植物盆景工作坊)
FB: @bunnywonderland
網址: 按此

親子同樂好去處推介推介6. 樂高探索中心

呢間全新嘅香港樂高探索中心 (LEGOLAND Discovery Centre),去年3月登陸尖沙咀Musea。場地佔地約3萬呎,設施種類豐富,一家人都可以喺度盡玩,唔經唔覺就玩到天都黑晒!

如果要探究LEGOLAND 的神奇魔力,除咗佢係咁多人心目中佔有一席嘅兒時經典玩具,承載咗唔少人嘅童年回憶,就當然係佢可以實現你嘅想象力同幻想啦!令你意想不到嘅係成個LEGOLAND嘅園區竟然係由近萬件嘅LEGO積木打造,而且仲分為10個唔同主題嘅園區!古堡歷險、樂高得寶農莊魔法轉盤、迷你天地、樂高賽車場等,每個園區都各有主題、好玩刺激,當中更有多個機動遊樂設施樂高咖啡室同禮品店,大小朋友們都可以盡情沉醉喺LEGO嘅想象力同創造力世界入面!

香港樂高探索中心 (LEGOLAND Discovery Centre)

地址: 尖沙咀梳士巴利道18號 K11 MUSEA地庫1樓
營業時間:星期一至五11:00 – 19:00 (最後入場18:00) ;星期六日及公眾假期10:00 – 19:00 (最後入場18:00)
FB: @LEGOLANDDiscoveryCentreHongKong

Categories
香港美食

大閘蟹放題合集2022|本港6間大閘蟹放題推介! 低至$398 2小時|另送女兒紅花雕酒

大閘蟹放題大合集2022! 秋高氣爽的日子,進入了一年一度食大閘蟹的季節,今次為大家精選6間任食大閘蟹餐廳,最平$398可以任食2小時! 更遍佈港九新界,連屯門都有得食。除了可以食盡江蘇大閘蟹外,更有多款小食菜式任選,作為大閘蟹愛好者的你切勿錯過今次的放題機會啦!

大閘蟹放題2022推介 1. 「名苑酒家」90分鐘 任食大閘蟹盛宴

遍佈港九新界的「名苑酒家」為一眾大閘蟹愛好者推出90分鐘大閘蟹任飲任食放題,除了任食隻隻鮮甜、爆膏的江蘇大閘蟹外,同場更可以無限追加小食菜式如爆汁鮮拆蟹粉小籠包、即燒火頭靚叉燒等,最後再叫一碗暖胃薑茶湯圓,俾食完大閘蟹嘅你暖胃散寒,咁就PERFECT池喇!

名苑酒家

地址: 銅鑼灣廣場2期7樓全層 /柴灣杏花邨盛泰道100號杏花新城(西翼)1樓133-135號舖 /大角咀海輝道一號銀海地下
/九龍聯合道198號樂富廣場A區3樓3106-3109號舖 /屯門屯盛街屯門市廣場1期3樓 /葵涌葵昌路72-76號活@KCC 9樓
網址: 按此

大閘蟹放題2022推介 2. 「京都大酒樓」2小時無限追加大閘蟹、片皮鴨

位於黃大仙區的「京都大酒樓」推出大閘蟹放題,於晚市時段內2小時可以任食爆膏足料嘅大閘蟹之外,仲無限提供片皮鴨、臘味糯米飯、甜品和啤酒汽水等餐飲!每位客人更會送上一客鮑魚扣玉掌、一盅蛇羹或花膠雞湯同一客雪糕。另外食完蟹怕太寒,可以加$68添購8年肇慶花雕酒暖暖身。

京都大酒樓

地址: 尖沙咀赫德道1-3A號利威商業大廈地下6號舖及1樓 /旺角彌敦道575號LADDER Dundas 2樓
/荃灣大河道98號如心廣場二期2樓215號舖
FB: @京都大酒樓

大閘蟹放題2022推介 3. 「星小宴」90分鐘 高級豪華大閘蟹宴

「星小宴」位於屯門青山公路黃金海岸地段,座擁黃金海灘一帶的壯麗景色,一定可以滿足想食又打卡嘅你!店內主要以歐陸風格裝潢,而且設有室內座位及戶外座位,任你選擇。客人可以享受鮮拆蟹粉小籠包、江蘇清蒸大閘蟹、暖胃薑茶湯圓等多款蟹宴菜式之餘,仲可以Chill住欣賞180 度無死角蔚藍大海景。簡直係至高無上嘅享受!

星小宴

地址: 屯門青山公路1號黃金海岸商場地下R1號舖
電話: 2117 3732
網址: 按此

大閘蟹放題2022推介 4. 「金兜記海鮮菜館」2小時任食大閘蟹宴

堅持每年推出大閘蟹放題嘅傳統,「金兜記海鮮菜館」推出$498位2小時任食大閘蟹盛宴。2小時任食時段內可以大嘆清蒸大閘蟹花膠燉響螺湯、蠔皇原隻鮑魚伴翡翠、鹽香BB乳鴿、生炒臘味糯米飯和逐寒薑茶。

金兜記海鮮菜館

地址: 香港灣仔區灣仔道三號尚翹峰第二及第三座A2舖及1樓
FB: @金兜記海鮮菜館
電話: 3907 0878

大閘蟹放題2022推介 5. 「名館」90分鐘 高級豪華大閘蟹宴

一講到正宗地道,當然要提及銅鑼灣希慎的人氣名店「名館」,餐廳推出豪華豐盛大閘蟹宴,俾大家任食正宗炮製的中式大閘蟹。除了可以盡嚐大大閘蟹滋味,餐廳仲提供多款任叫中式蟹宴之選,江南水晶餚肉、手拍青瓜貓耳朵、手工藍梅流心糕等。另外,四位以上會敬送女兒紅花雕酒一瓶,喺食完蟹香滿溢、鮮甜豐腴嘅大閘蟹之後乾一杯更是絕配!

名館

地址: 銅鑼灣軒尼詩道500號希慎廣場12樓1201號舖
電話: 2180 6578
FB: @名館Ming Bistro
網址: 按此

大閘蟹放題2022推介 6. 「相馬日式火鍋」 3小時任食大閘蟹火鍋放題

日式火鍋店「相馬日式火鍋」推出3小時任食大閘蟹火鍋放題,除咗有3.5至4.5兩的大閘蟹飲食,仲有多達約15款海鮮及熟食,例如3款蝦、3款卜卜蜆、廣島蠔、日本帶子、美國牛肩胛、日式炸物、7款口味單骨雞翼等,選擇非常豐富!另外,當然仲有任飲啤酒汽水及雪糕雪條任食!

相馬日式火鍋

地址: 尖沙咀赫德道1-3A號利威商業大廈地下6號舖及1樓/旺角彌敦道575號LADDER Dundas 2樓/荃灣大河道98號如心廣場二期2樓215號舖
FB: @somashabushabu

Categories
購物

UNIQLO秋冬優惠第一彈!連續14日大減價 必買6大單品推介

秋冬來臨,又是時候買新衫,UNIQLO秋冬服飾一上架,隨即推出秋冬優惠,連續14日大減價,第一彈優惠商品包括牛仔褲、針織衫、外套等6款熱賣商品,最平只需$59起。想用最抵價格率先購入UNIQLO秋冬服飾系列,就要把握今次機會喇!

撰文:Johnny|圖片來源:UNIQLO

UNIQLO秋冬優惠第一彈!連續14日大減價 必買6大單品推介

UNIQLO澳門大三巴前店開幕1週年,UNIQLO港澳兩地全線門市及網店推出秋冬優惠慶賀。今次大減價足足橫跨14日,UNIQLO更將在首週(9月24日至30日)率先推出重磅優惠,其中包括2021年全新秋冬系列及熱賣商品,最平$59起!

UNIQLO澳門大三巴前店開幕1週年,港澳全線門市及網店推出秋冬優惠慶賀。(圖片來源:UNQILO)

秋冬優惠第一彈一共有6款商品,包括2021 秋冬 Sweat 運動系列、最新改良剪裁褲裝及熱賣商品,其中CP值最高有男女通用U圓領短袖T恤,顏色簡約、容易配搭,是春夏衣櫃必備的單品之一,原價售$79,優惠後僅售$59。

【1】男女通用U圓領T恤,原價$79,優惠價$59。(圖片來源:UNQILO)

迎接冬季必注目 2021 秋冬 Sweat 運動系列,運動拉鏈連帽外套原價$199起,優惠後售$149起;另外有必買男女裝超彈性 Skinny Fit 牛仔褲,牛仔褲改良剪裁後更加貼身,原價售$299,優惠後售$249。

【2】女裝運動拉鍊連帽外套,原價$199,優惠價$149。(圖片來源:UNQILO)
【3】男女通用 運動拉鍊連帽外套,原價$249,優惠價$199。(圖片來源:UNQILO)
【4/5】男女裝超彈性 Skinny Fit 牛仔褲,原價$299,優惠價$249。(圖片來源:UNQILO)
【6】童裝超彈性 Skinny Fit 牛仔褲,原價$299,優惠價$249。(圖片來源:UNQILO)

澳門UNIQLO更加碼推出獨家限定優惠,男裝超精紡Merino圓領針織衫原價售$199,優惠價$149;女裝無鋼線胸圍原價$149,優惠價$129。

優惠第一彈將會在9月30日結束,10月1日起將會推出優惠第二彈。如果以上6款優惠單品未啱心水,就要Bookmark網站,看看第二彈優惠詳情。Jenga編輯隨時Update資訊,幫你留意最新優惠!

Categories
購物

【復古小眾手袋品牌推介】小資女孩必買復古手袋3大歐洲小眾品牌推介 凱特王妃同款英國品牌!高級質感+百搭易襯

想擁有一個品質好,有高級感的手袋,接下來推介的品牌不會讓你失望。他們是來自英國及意大利的小眾品牌,手袋都是使用真皮製造,款式復古又百搭,一個手袋價錢只需幾千元港幣,絕對值得小資女入手!看上去不輸給大眾品牌,而且不會容易撞款,讓你搭配出獨特風格!

Aspinal of London

英國品牌Aspinal of London的手袋受英國王室凱特王妃(Kate Middleton)和不少明星喜愛,袋款主打英倫復古風格,都是意大利手工真皮製造,有質感之餘款式亦百搭好襯! Mayfair、Trunk、Hat Box都是這品牌代表性的款式,凱特王妃愛用的是Midi Mayfair Bag經典壓花皮款!

Coccinelle

這個來自意大利的品牌Coccinelle比較小眾,減低跟別人「撞袋」的機會,而且性價比很高,皮革採用意大利真皮,款式既復古又具設計感! Beat Classic款特別有復古感,很適合職場女性,能展現高級優雅的魅力。還有Beat Half Moon半月包也很有人氣,半月形包身設計搭配上金色扣,單肩背液下背都十分好看。近期在韓國有不少演員都有用上Coccinelle的手袋呢!

Beara Beara

近年興起的英國小眾品牌Beara Beara,手袋設計大多是走復古風格,每個皮革手袋均是純手工未經加工牛皮製作,但價格只是介乎一千至二千多港幣,難怪吸引到不少女生購入! Fiona Mini的外型是個方挺的英式復古小行李箱,是以手提英倫舊式行李箱為設計靈感,配上復古黃銅扣,可選金屬鏈條或皮背帶,懷舊又特別!Alex Mini 圓筒牛皮包亦是品牌的熱門款式,水桶外觀俏皮可愛,容量很大,包內裡是用了格紋格布,充滿古典氣息!